Qendra Europiane e Shkencës për Paqe, Integrim dhe Bashkëpunim organizon për herë të parë në Shqipëri nismën Çmimi i Paqes, një ngjarje që mbështetet në mënyrë domethënëse nga Fondacioni Zoja e Këshillit të Mirë. Eventi do të mbahet më 11 mars 2026 prej orës 10.00 të mëngjesit në Aula Magna në Universitetin Katolik të Tiranës në bashkëpunim edhe me Observatorin Ballkan-Kaukaz-Transevropë / Qendrën për Bashkëpunim Ndërkombëtar (OBCT/CCI). Çmimi i Paqes u kushtohet individëve dhe organizatave që janë dalluar për përkushtimin e tyre ndaj paqes me fokus të veçantë në rajonin e Ballkanit. Ideja për dhënien e një Çmimi Paqeje u konkretizua që në maj të vitit 2025 kur u prezantua zyrtarisht nisma e mbështetur nga FZKM dhe e koordinuar nga Qendra Evropiane për Studimet e Paqes, Integrimit dhe Bashkëpunimit (CESPIC). Një juri ndërkombëtare e përbërë nga ekspertë të njohur që vijnë nga vendet e Evropës Juglindore, Ballkani dhe Shqipëria kanë vlerësuar që këtë vit Çmimi i Paqes t’u jepet:
- Nihad Suljić, me motivacionin për angazhimin e tij të vazhdueshëm humanitar dhe kontributin e tij në paqen sociale
- Projektit "Libra të Përbashkët të Historisë" me motivacionin për rolin e tij afatgjatë edukativ në promovimin e mirëkuptimit dhe pajtimit të ndërsjelltë.
Mëngjesin e 11 marsit çmimi do të jepet në ceremoninë publike të rastit ku do të ketë të ftuar të shumtë. Sesioni ceremonial do të drejtohet nga Profesor Raul Caruso Drejtor i Qendrës CESPIC.
Po më 11 mars në orën 12:30 do të shpallim emrin e Të Drejtit 2026 që u zgjodh nga votimi demokratik i zhvilluar në Kampusin ZKM gjatë janarit. Më 11 mars 2026 do të shpallet edhe I Drejti i Kopshtit të ngjashëm me ne në Milano të Italisë.
