Nga data 3 deri më 11 janar, Fakulteti i Shkencave të Aplikuara pati kënaqësinë të mirëpresë Prof. Alessandro Camiz nga Universiteti “G. d’Annunzio” i Chieti-Pescara, në kuadër të Programit Erasmus+ – Mobilitet për Mësimdhënie.
Gjatë qëndrimit të tij, Prof. Camiz mbajti dy leksione për studentët e vitit të parë të Programit Master i Shkencave i Integruar në Arkitekturë, me titull “Llojet dhe strukturat bazë” dhe “Strukturat urbane: procesi formues i një blloku”. Aktivitetet integruan teori dhe ushtrime praktike, duke ofruar një përvojë mësimore dinamike, plot angazhim dhe shumë stimuluese.
Mobiliteti përfshiu gjithashtu takime me Koordinatorin e Programit dhe anëtarë të tjerë të stafit akademik, duke nxitur diskutimin mbi përmbajtjet mësimore, metodologjitë dhe mundësitë e bashkëpunimeve të ardhshme.
