Fakulteti i Shkencave të Aplikuara në Universitetin Katolik “Zoja e Këshillit të Mirë” organizon Talks@UNIZKM_2025, një seri konferencash ndërkombëtare kushtuar arkitekturës bashkëkohore italiane, me qëllim promovimin e një debati kritik dhe ndërdisiplinor.
Takimi i dytë do të zhvillohet më 4 qershor 2025, në orën 15:00, në aula B105 të Universitetit Katolik “Zoja e Këshillit të Mirë”. Në këtë takim do të marrë pjesë arkitekti dhe profesori i Universitetit të Ferrarës, prof. Gabriele Lelli, i cili do të mbajë një referatë me titullin “Rezidencat dhe hapësira publike”.
Së bashku do të eksplorojmë mënyrat se si rezidencat mund të ndërveprojnë me hapësirën publike, duke u shndërruar në elementë aktivë në ndërtimin e qyteteve më gjithëpërfshirëse, më të jetueshme dhe më të përbashkëta.
Ky aktivitet është pjesë e Javës së Italisë në bashkëpunim me Ambasadën Italiane në Tiranë dhe Institutin Italian të Kulturës.
