News/evente

Lajme të tjera të rëndësishme

Konferenca “Zhvillimi i sektorit të turizmit”

Në datën 15 dhjetor 2015 në orën 10.00 u mbajt në Aula MagnaKonferenca “Zhvillimi i sektorit të turizmit”. Eventi u organizua nga Universiteti Katolik “Zoja e Këshillit të Mirë” në bashkëpunim me Universitetin e Bolonjës, Ministrinë e Zhvillimit Ekonomik, Turizmit, Tregtisë dhe Sipërmarrjes, Ambasadën e Italisë dhe Agjensinë për Nxitjen e Shkëmbimeve – ICE. 

Përshëndetën konferencën dhe nismën për nxitjen e zhvillimit të një sektori kaq të rëndësishëm sa Turizmi, Prof. Bruno Giardina, Rektor i Universitetit Katolik “Zoja e Këshillit të Mirë”; Sh.T.Z. Arben Ahmetaj, Ministër i Zhvillimit Ekonomik, Turizmit, Tregtisë dhe Sipërmarrjes; Sh.T.Z. Alberto Cutillo, Ambasador I Italisë në Shqipëri; Znj. Stefania Leoni, Përfaqësuese e Rajonit të Emilia Romanjës.

Eventi shënoi një hap për zhvillimin e turizmit në Shqipëri dhe krijimin e  standarteve evropiane të cilësisë në këtë sektor. Gjatë konferencës u prezantua zyrtarisht Masteri profesional në “Ngritje dhe zhvillim i sipëmarrjes në sektorin e turizmit”.

Kumtesat u referuan nga:

  • Znj. Sonia Popa, Drejtore e Përgjithshme e Zhvillimit të Turizmit

Prezantimi i Ligjit të ri mbi Turizmin

  • Prof. Maria-Gabriella Baldarelli, Drejtuese e Master-it, Qendra e Studimeve mbi Turizmin,Universiteti i Bolonjës

Prezantim i Masterit të përbashkët “Ngritje dhe Zhvillim i Sipërmarrjes në Sektorin e Turizmit”

  • Z. Enver Mehmeti, President i Shoqatës Shqiptare të Turizmit

Objektivat dhe projektet e Shoqatës

 

 

Ceremonia e Përurimit të Vitit Akademik 2015-2016 UniKZKM

Në datë 1 dhjetor 2015, Universiteti Katolik “Zoja e Këshillit të Mirë” organizoi sipas traditës Ceremoninë e Përurimit të Vitit Akademik 2015-2016. 

Në orën 09.30 në ambjentet e Universitetit u kremtua Mesha e Shenjtë nga Eminenca e Tij, Kardinal Giuseppe Versaldi, Prefekt i Kongregatës për Edukimin Katolik në Vatikan. 

Ceremonia zyrtare e Përurimit u zhvillua në orën 11.00, në ambjentet e Aula Magna-s, pranë Universitetit Katolik “Zoja e Këshillit të Mirë”. . .

Lexo më shumë

Konferenca “E drejta e web-it, mes mbrojtjes së privatësisë, kërkesave për siguri dhe demokracisë”

Në datë 30 nëntor 2015 në orën 15.00, Universiteti Katolik "Zoja e Këshillit të Mirë" organizoi në ambjentet e Aula Magna-s, konferencën “E drejta e web-it, mes mbrojtjes së privatësisë, kërkesave për siguri dhe demokracisë”.

Konferenca e organizuar në kuadrin e objektivave institucionalë të Unviersitetit, të cilat kanë në themel shpirtin e integrimit dhe ndërkombëtarizimin e arsimit të lartë nëpërmjet fuqizimit të kërkimit shkencor duke përdorur teknologjitë më të zhvilluara.

Konferenca synoi të vërë theksin mbi raportin mes internetit dhe demokracisë duke nënvizuar nevojën e sigurisë dhe gjetjes së ekuilibrit mes mbrojtjes së privatësisë dhe kërkesave për siguri kombëtare.

Master profesional në “Ngritje dhe zhvillim i Sipërmarrjes në Sektorin e Turizmit”

Universiteti Katolik “Zoja e Këshillit të Mirë”, me urdhër nr. 433 të datës 12/11/2015 të Ministrisë së Arsimit dhe Sportit, aktivizon për vitin akademik 2015-2016 Master Profesional në “Ngritje dhe zhvillim i sipërmarrjes në sektorin e turizmit”. 

Programi i studimit vjen si produkt i një bashkëpunimi të Universitetit Katolik “Zoja e Këshillit të Mirë” dhe të Universitetit të Bolonjës. Ky bashkëpunim mundëson lëshimin e një Diplome të përbashkët të dy universiteteve partnere. 

Masteri do të ketë kohëzgjatje një vit akademik (dy semestra) dhe iu drejtohet të rinjve shqiptarë me formim ekonomiko-juridik dhe sipërmarrësve aktuale dhe potencialë, dhe ka si objektiv t’i pajisë me kompetenca të përgjithshme dhe specifike, të domosdoshme për formimin dhe zhvillimin e kulturës së sipërmarrjes ekzistuese në vend, si dhe krijimin e një baze për ngritjen e sipërmarrjeve të reja në sektorin e turizmit.

Shkarko shpalljen tek zeri i Masterit profesional Master profesional në “Ngritje dhe zhvillim i Sipërmarrjes në Sektorin e Turizmit”